Jæja gott fólk!!! Ég biðst innilegar afsökunar enn og aftur á bloggleysi mínu undanfarnar vikur… talvan hefur ekki enn verið sett upp heima svo ég hef löglega afsökun. Jólin að baki og gamlársdagur í dag…! Ég ætla að hafa þetta stutt að sinni og óska öllum vinum og vandamönnum nær og fjær gleðilega hátíð….! Aldrei að vita nema maður hitti ykkur á förnum vegi í kvöld. Gangið hægt um gleðinnar dyr og farið vel með ykkur…  Ps. Svo er video annáll fyrir árið 2006 væntalegur…

Dóra

Jæja góðan daginn lesendur góðir nær og fjær! Ég biðst afsökunar á bloggleysi mínu undanfarna daga en vegna óviðráðanlegra aðstæðna hef ég lítið getað komist í tæri við netið. Jú, ástæðan er sú að stelpan er komin í Kórahverfið og hafa flutningar og öllu því sem fylgir því að koma sér fyrir haft forgang. Annars er ekkert svo sem mikið að frétta af manni, en ég fór í skírnaveislu til dóttur hennar Steinu um daginn og fékk prinsessan nafnið Apríl Emma. Auðvitað óska ég henni og foreldrum til hamingju.

        Enn styttist í jólin og minna en 2 vikur í aðfangadag…ég ákvað að vera heldur snemma í jólainnkaupum þetta árið og er ekki frá því að svona flestar gjafirnar eru búnar. Fór með Sandy um helgina og svei mér þá, það mætti halda að aðfangadagur væri í þessari viku en ekki eftir 2. Fólkið var svoleiðis með innkaupapokanna og allir að byrja snemma í gjafainnkaupum….!

        Svo til að koma sér í smá jólastemmingu fór vinnan á jólahlaðborð á hotel Borg síðastliðinn fimmtudag….mjög góður matur og mæli hiklaust með þeim stað!

        En ég hef þetta ekki lengra að sinni og vona að þið hafið haft það gott um helgina og eru endurnærð fyrir komandi vinnuviku!

Dóra